ماہنامہ عبقری - دسمبر 2010ء

Meditation یعنی مراقبہ جہاں ازل سے روحانیت کی ترقی اور مشکلات کے حل کا علاج رہا ہے وہاں جدید سائنس نے اسے امراض کا یقینی علاج بھی قرار دیا ہے۔ ہزاروں تجربات کے بعد عبقری کے قارئین کے لئے مراقبے سے علاج پیش خدمت ہے۔ سوتے وقت اگر با وضو اور پاک سوئیں تو سب سے بہتر ورنہ کسی بھی حالت میں صرف 10 منٹ بستر پر بیٹھ کر بلا تعداد مَاشَاءَ اللّٰہُ کَانَ وَمَالَم یَشَا لَم یَکُن وَلَاحَولَ وَلَا قُوَّةَ اِلَّابِاللّٰہِ کا ورد اول و آخر 3 بار درود شریف پڑھیں پھر لیٹ جائیں۔ جس مرض کا خاتمہ یا الجھن کا حل چاہتے ہوں اس کو ذہن میں رکھ کر یہ تصور کریں کہ ” آسمان سے سنہرے رنگ کی روشنی میرے سر سے سارے جسم میں داخل ہو کر اس مرض کو ختم یا الجھن کو حل کر رہی ہے اور اس وظیفے کی برکت سے میں سو فیصداس پریشانی سے نکل گیا/گئی ہوں“ یہاں تک کہ اس تصور کو دہراتے دہراتے نیند آ جائے۔ شروع میں تصور بناتے ہوئے آپ کو مشکل ہو گی لیکن بعد میں آپ پر جب اس کے کمالات کھلیں گے تو حیرت کا انوکھا جہان اور مشکلات کا سو فیصد حل خود آپ کو حیرت زدہ کر دے گا۔ مراقبے کے بعد اپنی کیفیات فوائد اور انوکھے تجربات ہمیں لکھنا نہ بھولیں۔ نورانی مراقبہ سے فیض پانے والے ایڈیٹر صاحب السلام علیکم! میں نے جب سے مراقبے والا عمل شروع کیا ہے تب سے میرے ساتھ بہت سے واقعات رونما ہوئے جن میں سے ایک تحریر کررہی ہوں۔ایک رات عشاءکی نماز کے بعد مراقبے کیلئے بیٹھی تھی۔ اچانک مجھے محسوس ہوا کہ میرے دائیں جانب کوئی بیٹھا ہوا ہے‘ ابھی میں غور ہی کررہی تھی کہ ایک دم سفید رنگ کی پرندہ نما کوئی شے پرندے کی طرح اڑتی ہوئی آہستہ آہستہ چھت میں جاکر غائب ہوگئی۔ اور وہ چمک بھی رہی تھی گویا ننھے ننھے ستارے اس میں موجود تھے وہ شے جھلملا بھی رہی تھی۔ اس کو اڑتے ہوئے جب دیکھ رہی تھی تو بہت ہی عجب قسم کا روحانی سکون محسوس ہوا۔ بے اختیار ایسی ایسی پیاری دعائیں جو کبھی نماز میں بھی نہ مانگ سکی تھی زبان سے جاری ہوگئیں۔ (مصباح اسلم) پچھلا صفحہ